காற்றோடு பேசிய கவிதை!
காற்றோடு கவிதை பேசிக்கொண்டிருந்தேன் நேற்று !
தென்றலாய் எனது கூந்தலோடு
ஓடிப்பிடித்து விளையாடி கொண்டிருந்தது !
பிடித்து நிறுத்தி கேட்டேன்
'வரும் வழியில் நீ அள்ளி வந்தது என்ன?' என்று !
பூக்களாய் சிரித்து விளையாடிய சிறு பிள்ளைகள்
வெள்ளை மனம் என்றால் என்ன என்பதை நினைவுபடுத்த !
மான் போல் துள்ளி ஆடிய பூவையர்கள்
மகிழ்ச்சி என்பது என்ன என்று காட்ட !
மாலை நேரத்தில் களைப்போடு வந்தாலும்
பிள்ளைக்கு முறுக்கும் மனைவிக்கு மல்லிகை பூவும்
வாங்கி போன கணவன் குடும்பம் குதூகலம் என்று சொல்ல !
சொல்லி கொண்டே போனது பலப்பல விஷயங்களை !
'அடுத்து எங்கு செல்கிறாய்?அங்கு என்ன சொல்வாய்?'
என்று கண்ணடித்து கேட்டேன்
'ஒரு மின்னல் என்னை தாக்கியது' என்பேன் என்றது ! :P
கருத்துகள்
கருத்துரையிடுக