நீ ஏன் காதலிக்கவில்லை ??

என்னை பார்த்து ஒரு கேள்வி !
நீ ஏன் காதலிக்கவில்லை ??
என் காதல் கதைகளை தான் கேளுங்களேன் !

அந்தி மாலை வேளையில்
செவ்வானத்துக்குள் சென்று சூரியன் ஒளிந்துகொள்ள
அவனை துரத்திய படியே
கரு நீல வானத்தில் வெள்ளை பந்தாய்
திரியும் வெண்ணிலவு என் முதல் காதல் !

திருட்டு பூனை என்ற புனை பெயர் இருந்தாலும்
எங்கள் வீட்டு பூனை சர்க்கரை கற்கண்டு !
கூப்பிட்ட உடன் ஓடி வந்து எட்டி பார்க்கும்
என் கிளீஸ் குட்டி எனக்கு இரண்டாவது காதல் !

செடி வளர்ந்து பூ விரியும் நேரம்
வசந்த காலமே வாழ்கையில் வந்தது போன்ற மகிழ்ச்சி !
ரொம்ப நாளாய் ஆசை பட்டு
தண்ணீர் பாட்டிலில் வீடு கட்டி
ரகசியமாக தங்கவைத்துள்ள  டேபிள் ரோஜா செடி
என் மூன்றாவது காதல் !

தனியாய் இருக்கும் நேரங்களில்
அவன் தான் எனக்கு ஆறுதல் !
அவனை எடுத்து நளினமாய்
நாலு கிறுக்கல் கிறுக்கினால்
குழப்பங்கள் காணமல் போகும்
கலர் கலராய் கனவுகள் வந்து ஒட்டி கொள்ளும் !
எனது பெயிண்ட் டப்பா தான் என் அடுத்த காதல் !

ஹச்சிகோ-வையும் மைலோ-வையும்
பார்க்கும் போதெல்லாம் எனக்குள் ஏக்கம் !
என்னை விடாது தொரத்தும்
கண்கள் மின்ன என்னை பார்த்து வாலாட்டி வரும்
ஒரு குட்டி நாய் குட்டி இப்போதைய
வெய்டிங் லிஸ்ட் காதல் !

சொல்ல பட்ட பாதி கதைகளே
முதல் கேள்வியை அர்த்தமில்லாததாக்கி  விட்டதல்லவா?