பெண்ணிவள் போர் குணம் படைத்தவள் !

இவள் செய்த பிழையென்று சொல்வதா ? 

பிறர் செய்த சதியென்று  சொல்வதா?

இத்திரு நாட்டில் உதித்து விட்டாள் !

போர் குணம் படைத்த இவள் !

பிறந்த நாளன்று
முகம் கூட பார்க்காமல் 

தூக்கி வீசிய அப்பன் 

கண் விழித்து 

தன் உயிர் காணாது 

பிதற்றிய அவள் அன்னை 

இவள் செய்த பிழையென்று சொல்வதா ? 

பிறர் செய்த சதியென்று  சொல்வதா?

இத்திரு நாட்டில் உதித்து விட்டாள் !

போர் குணம் படைத்த இவள் !

இதழ் விரிக்கவும் இல்லை 

இந்த இளம் பூ மொட்டு !

கண்ணடிகளால் கருகி தான் விடுவாளோ ?

வீரி இவள் சாட்டை சொடுக்கி 

விரட்டி விட்டாள் அவர்களது   கண் பிடுங்கி !

இவள் செய்த பிழையென்று சொல்வதா ? 

பிறர் செய்த சதியென்று  சொல்வதா?

இத்திரு நாட்டில் உதித்து விட்டாள் !

போர் குணம் படைத்த இவள் !

தன் கையே தனக்குதவியை தாண்டி 

பிறருக்கும் உதவி என்பாள் இவள் !

பெருக்கெடுக்கும் பொறாமை !

பெண்ணிவள் எனக்கு மேலா ?

நசுக்கு அவளை 

நச்சுப் பாம்புகள் சுற்றி வளைக்கும்!

வெட்டி வீசி விரைந்து செல்வாள் !

இவள் செய்த பிழையென்று சொல்வதா ? 

பிறர் செய்த சதியென்று  சொல்வதா?

இத்திரு நாட்டில் உதித்து விட்டாள் !

போர் குணம் படைத்த இவள் !

 மகிழ்ச்சி ! அவளவன் வந்து விட்டான் 

இனி எனக்கு விடுதலை என்றிருப்பாள் 

இது உனக்கு கல் சிறை என்பானவன் !

சுக்கு நூறாய் உடைந்து 

சிதறி கீழ் வீழ்வாள் இவள் !

விழுந்தவுடன் சொல்வார்கள் !

இவள் செய்த பிழையென்று சொல்வதா ? 

பிறர் செய்த சதியென்று  சொல்வதா?

இத்திரு நாட்டில் உதித்து விட்டாள் !

போர் குணம் படைத்த இவள் !