காத்திருத்தல் ~

ஒவ்வொரு நாளும் ஒவ்வொரு மணிக்கு

ரதம் போல வந்து சேரும் பேருந்து !

வழி மேல் விழி வைத்து

தன் ரதிக்காக காத்திருக்கும் காதலன் போல

நானும் காத்திருப்பேன் என் ரதத்திற்காக !

கடிகார முள்ளோ மெது மெதுவாய்

தடிஊன்றி நடந்து செல்லும் !

டிக் டிக் என்ற அதன் காலடிகள்

நான் தான் தாலாட்டு என்றென்னை வாட்டும் !

காத்திருந்து கண்கள் பூத்து போய் விடும்

கேள்வி பட்டிருக்கிறேன் !

என் ரதத்திற்காக காத்து என் கண்களோ

பூத்து வாடி காய்ந்தே போய் விடும் !

அட .. அதோ வருகிறது பேருந்து !

வாசலிலே வரவேற்க வாழை மரம் இருப்பது போல்

பேருந்து வாசலிலே தள்ளி கொண்டு பயணிகள் வந்தால்

அப்பொழுது புரியும்

காத்திருத்தலின் கொடுமை என்னவென்று !

இந்த சாம்ராஜ்யம் தங்களது இளவரசி என்பது போல்

காற்றை மட்டுமே இருத்தி கொண்டு பேருந்து வந்தால்

மனதுக்குள் சீட்டி பறக்கும்

காத்திருத்தலின் அருமை புரியும் !