இதயம் மூளை என்னும் முரண்கள் !!
இதயம் மூளை என்று
இரண்டு இடங்கள் எதற்கு ?
இறைவனை பார்த்தால் கேட்க வேண்டும் !
இதயம் மட்டும் இருந்திருந்தாலே
மகிழ்ச்சி நெகிழ்ச்சி அடைய செய்திருக்கலாம்
நம் எல்லாரையும் !
சாப்பிட 2 ரூபா வேண்டும் என
சாலையில் போகும் பாட்டி கேட்டாள்
இதயம் தந்து விடு என்றது
வலக்கை கொடுத்ததை இடக்கையாய் வந்து
தடுத்துச் சென்றது மூளை !!
பளிச்சென பார்ப்பதை பிடிக்க
நல்லதொரு புகைப்படக்கருவி
வாங்கச் சொன்னது என் மனம் !
மேலும் கீழுமாய் நாலும் ஏழும் என
கணக்கு பார்த்து தடை விதித்தது
அம்மாவின் மூளை !!
எதிரில் போவோரை பார்த்து
புன்னகைத்து நாளை நல்லதாக்கச்
சொல்லுது மனம் !!
சிரிக்காதே பூச்சாண்டி
பிடித்து கொள்ளும்
பயம் காட்டுது மூளை !
போனால் போகட்டும் -
மன்னித்து விடும் மனம் !
அன்று அதை இன்று இதை நாளை எதையோ என
போக விடாமல் இழுக்கும் மூளை !
கடவுளை பார்க்கும் போது
கேட்க வேண்டும்
இதயம் மூளை என
இரண்டு முரண்கள் எதற்கு என்று ?
கருத்துகள்
கருத்துரையிடுக